Инникини торумнуур көрсүһүү
Алтынньы 3 күнүгэр Нам улууһун Үөрэҕирии, Култуура, Доруобуйа харыстабылын, госсулууспа уонна олох-дьаһах хаһаайыстыбатын эйгэлэрин Идэлээх Сойуустарын кэмитиэттэрин председателлэрэ кыттыылаах «Нам улууһа» МТ баһылыгын Юрий Иннокентьевич Слепцову кытта көрсүһүү буолан ааста. «За достойный труд» диэн идэлээх сойуустар Бүтүн Россиятааҕы акцияларын ыытыы уонна тэрийии тула кэпсэтии барда. Нам улууһун Идэлээх Сойуустарын Координационнай сэбиэтин председателэ Александр Гаврильевич Шарапов улууска бары эйгэлэргэ ыытыллар үлэттэн кэпсээтэ.
Култуура үлэһиттэрин Идэлээх Сойууһун кэмитиэтин председателя Александра Алексеевна Парникова үлэ былааныттан билиһиннэрдэ. Ону сэргэ, Юрий Иннокентьевич 2023 сыл олунньу 15 күнүнээҕи 360№ Дьаһалы таһаарбытыгар бары үлэһиттэр ааттарыттан өссө төгүл махталын эттэ.
Баһылык Юрий Иннокентьевич киирбит этиилэр, боппуруостар сөптөөхтөрүн, үлэлэһэргэ бэлэмин, методическай үлэ күүһүрэригэр, маннык көрсүһүүлэри сылга иккитэ тэрийэргэ санаатын эттэ. Хас биирдии үлэһит үлэлиир, сынньанар усулуобуйата бары өттүнэн табыгастаах, сөптөөх буолуохтаах, үлэни онно туһаайан ыытыахтаахпыт диэн көрсүһүүнү түмүктээтэ.
