Түмсүү — күүһү түстүүр!

Уол оҕо, эр киһи айылҕатынан харыстыыр, араҥаччылыыр аналлаах. Дойдутун, дьонун туһугар хабыр хапсыһыы утары саа-саадах тутан, хорсуннук киирсэр. Бу ыарахан кэмнэргэ, Нам улууһун культуратын үлэһиттэрэ туора турбаттар. Айар бөлөхтөр көмөҕө ыҥырар акцияларга өрүүтүн кыттыыны ылаллар. Ол курдук, алтынньы 17 күнүгэр анал байыаннай дьайыыга сылдьар саллааттарга көмө диэн аһымал акция кэнсиэрэ тэрилиннэ.

Николай Михайлович Жирков салайааччылааах А.Ф. Шестаков аатынан Улуустааҕы норуот айымньытын дьиэтин үлэһиттэрэ 65146.55 солкуобайы анал байыаннай дьайыыга сылдьар саллааттарбытыгар көмө диэн туттарда. 

Хас биирдиибит кыттыыбыт, көмөбүт уолаттарбытыгар улахан өйөбүл буоллун, күүстэригэр күүс-кыах эбиэхтин, кыайыыга кынаттаатын!