Үлэни кытта тус дьарыгы дьүөрэлээн
Сэтинньи 17 күнүгэр Нам улууһун Аппааны нэһилиэгэр «Чороон» норуот айымньытын киинигэр «ҮС ХОЧО ТАЛБА ТАЛААННАРА» айар куттаахтары түмэр улахан проекка Нам улууһун култуура үлэһиттэрэ сүрүн кыттааччы буоллулар. Ол курдук, Үөдэй, Хомустаах Бастакы, Партизан, Нам, Хатыҥ-Арыы, Бөтүҥ, Модут нэһилиэктэрин култуура үлэһиттэрэ ырыа-үҥкүү үктэллээх улахан бырааһынньыгы киэргэттилэр. Проект көҕүлээччитэ, тэрийээччитэ Өрөспүүбүлүкэтээҕи норуот айымньытын уонна социальнай-култуурнай технология Дьиэтин специалиһа Анастасия Титовна Аммосова.
Хаартыскаҕа «Таптал үҥкүүтүн» толорооччулара — З.П. Винокуров аатынан Намнааҕы Оҕо искусстватын оскуолатын преподавателлэрэ Павел Винокуров, Иван Кривошапкин уонна А.Ф. Шестаков аатынан Улуустааҕы норуот айымньытын дьиэтин үлэһиттэрэ Анна Слепцова, Мария Попова, Мария Петрова, Владислав Николаев. Салайааччы-балетмейстер СӨ култууратын туйгуна Мария Попова.
